مســـــــــــــــــاء الخير للجميع..
^^ هذي حركات البنات وقت المذاكرة ^^
1- الثلاث وجبات الرئيسية لازم تقعد عليها أول وحده وما تقوم إلا آخر وحده جوعانة المسكينة ياحراااام00 وأحيانا تزيد وجبات إضافية إذا كانت المادة دسمة00
2- تقعد تسوي نفسها طفشانه وتعبانه ويااااااربيه ماني قادرة أذاكر مدري وشفيني حاسة بكتمه يمه الظاهر احد قاري علي وإلا صاكني عين 000 تقعد أمها تقول باسم الله عليك000 تعالي اقرأ عليك يا بنيتي
00 كل هذا عشان إذا سقطت يقولون عين 00
3- بعضهم ينزل عليها وسواس نظافة أيام الامتحانات تتروش(تستحمى) الصبح والليل وتستشور شعرها كل مرة طبعاً ما يصير تخليه يخرب وبكره كيف تروح الجامعة والكتاب على جنب طبعا هذي من واجباتها اليومية ما تقدر تتركها عشان تذاكر مايصير000
4- هذي تترك الكتاب على جنب وتقوم تقيس فساتين السهرات اللي عندها عشان بعد الاختبارات على طول فيه عرس فلانه بنت فلان لازم تحدد وش تلبس من الحين 000لا وبعضهم ليلة الاختبار عند الخياطة رايحه تسوي بروفه
0الله من قل الدبره بس0
5- وبعضهم تنزل عليها صلة الرحم فجأة تقوم تكلم وحده من صديقاتها القدام من زمان ما كلمتها 000تبي تشوف وش صار عليها وتشغلها عن المذاكرة 00
6- وهذي تنزل عليها الشطارة فجأة تقوم تسوي العشا لاهلها00وتغسل الصحون عن الشغالة وتقولها اطلعي نامي أنتي خلاص أنا اكمل00
7- وهذي مبتليها ربي بحب الجوال قالبتها تشات حشا مو مسجات وما تصحى على نفسها إلا قبل الفجر بساعتين00
8- وهذي المسكينة اللي من قل الحيلة توجع القلب لا قفلت معها قضبت المخده ونامت لين تصحى وتقول يووووووه راحت علي نومه00
9- وهذي أيام الامتحانات تنزل عليها حالات غريبه كل شوي مشتهيه أكله معينه وما تلقى السواق إلا رايح جاي رايح جاي 00يعني أذاكر 00وامها إيه يا بنيتي وش تبين بس 000قال ايش تبي تساعدها عشان تفتح نفسها للمذاكرة وما تدري ان كل ذا هروووووب ..
هذا النوع ما تنتهي الامتحانات إلا وهي زايده 4 كيلو000
000منقووووول000
يالله يا بنات كل وحده تقول ايش كانت تسوي وقت المذاكرة اعترفوا بصراحه
ابدأ أنـــــــا
كنت أسوي رقم 6 يعني اني أشتغل...بس أمي كانت دايم تطردني من المطبخ
عشان ماأخذها حجه ...
هههههههههههههههه
ياليت الكل يشارك سواءً بنات أو أولاد
والله يعطيكم العافيه...........
موضوع: ^^ هذي حركات البنات وقت المذاكرة ^^ 
الثلاثاء ديسمبر 11, 2007 3:37 am
