اللي نفسه يبكي <<<يقراا

بنادق مهجتي معبأ فشقها والغلا نيشان
أبطلق روحي في قلب القصيد وأنبض أبياته
أبذبح حزني من أقصى الشعور لأول الإخوان
وأسيل عمره وتشرب عيون العمر دمعاته
وحيد ولا معي ألا أخوي بداخلي غفيان
ترفرف ضحكته وأطلق نعاسي بصبح ضحكاته
في بالي يركد وأدري حزين وشارد وبردان
وأنا أنثر برده من فوق الخيال وجمر سجاته
ينام وأعقد بعين الأغاني جمرة التحنان
ينام وأعقد بعين البداية كل نهاياته
يدور القلب تتفتت ضلوعه يطحنه حرمان
يجوع القلب يحضني في جوعي وآكل فتاته
وأطل من الآم أحضن حياة الشارع الولهان
يلملم حسرتي ويكسر وجودي بشوق إضاءته
تعبت أمليني طعونن تصب من خنجر الخلان
تعبت أستنزف عيوني دموع العين طعناته
يخوي أقعد الدنيا رمت من تحتي النيران
وهذا العمر مايحمل بجوفي إلا انكساراته
يخوي ليه تغيب وليه تتركني وأنا شفقان
لقرم يقلب جبال الهموم بعزه أثباته
أعرفه لا وصل كنه صقر من صفوة الويلان
يكش جلد السماء إن شافت مخاليبه وهداته
رجال تربط حزام القبيلة وتنفلت شجعان
واخوي يربط رجال القبيلة بحزام هقواته
كريم ماهو من يبني فعايل صيته الديوان
في صدره دلته وهيله وفناجيله وتمراته
إذا كان الكرم حمس الهلا في مهجة الضيفان
أخوي من حمس قلبه لضيفه وصب فزعاته
وكم تكفى رمت بين البشر ممزوعة الوجدان
اخوي قبل لاترمى عليه يقط نخواته
حزين السيل في كفوف الاوادم طافي ذبلان
بعد مانام دم إلي سقا فعله ومضاته
يخوي أقعد وقعد خفوقي بداخل الشريان
تنام ولا بقى هم ألا قطف من دمي غفواته
غريبة شلون يكسرك الغياب ويغلبك نسيان
ودفتر جيتك يخوي طوى من عمري صفحاته
يجني مدري ولأكن أعرفه لاوصل جيعان
قسم وأن جاني لنحرني لوعه تحت خطواته
وصل زوله هذاك آلي وصل مايشبه إنسان
هذاك إلي وصل شايل عذاب العمر وآهاته
وجيت الحين يخوي بعد ما شالتك أمتان
بعد ما ودهم بغسل الجسد عن كل نزواته
أبد لاينغسل هذا الشهم مغسول بالفرسان
أخوي من غسل روح الجسد في طهر نياته
أيـــا دفان دخيل الله لاتدفنه يا دفان
دخيلك خلني أدفن في بالي جمر بسماته
وأخذ بسمته من هذا المكان لأخر الإحزان
وانا أطحن موته في جوع الكلام وأخبز سكاته
أنـــام وشلون لاصار الاخو جايع وأنا شبعان
أخوي إلي كسر قلبه لجوعي وجاع لحظاته
أخوي إلي يمز مزني معا ليقه أذا عطشان
أخوي إلي ثنى عمره من أجل أطلع مسافاته
ياأدين القبر ضميني وسط حضن الاخو نعسان
أبرقد دام لي قلب دفن وياه نبضاته
أكيد انه وسط قبره سمع طق الخطاوي الآن
ايا ليت أنا المدفون وانا اسمع طق خطواته

صح لسانك

مشكور

مشكــــــــــوره يااعمري على الموضوووووووووع